Giovanni Maria Basso e 'le nassût a Orsaria (Premariâs) tei ains Trenta. Si e fat di bessûl, i va par man un pôc dût (cença nissuna pretêsa) sedi tel cjamp: storic, foldoristic, memoristic, memories di uèra, di int, di usancis e custump e di dut ce chel parten tel cunfin de parochia. El fâs part dei poets del grop de "Cjarande", socio de Filolofica di plui quarant'ains e di atris sociassions. Farina del sô sac si cjatila te antologjis de leteradura furlana, soradùt in chês del prof. Gianfranco D'Aronco (Il Novecento) e del dott. Nino V. Rodaro (La gnove Cjarande). Si cjatilu par tanc ains su: Agenda Friulana, Strolic, La Panarie, Stele di Nadâl, Il Pignarûl, I quaderni della Face, e in tantis atris rivislis e gjornâi. E 'la mitût adun par tre ains un lunari de parochia di Orsaria.

A voltis palustrâs

Risultivis che spissùlin
li’ lôr âghes vìrgjnis,
tun ombrenûl di consolâsi.
Ucêi di ogni fata
a voltis palustrâs,
mo a cjaps vosàns
e torseonin par lôr cont
tel salustri adalt.
E somein a drâgos colorâs,
che tanche canais
si orès somegi cui fîi,
tornant a cessacûl ta chêi ains.

A volte soli
Sorgenti che zampillano / acque limpide, fresche / in un’ombra ‘che consola. / Uccelli di ogni specie / a volte solitari / a volte a stormi vocianti / bighellonano per conto loro / nell’azzurro del cielo. / Assomigliano ad aquiloni variopinti, / che come fanciulli / si vorrebbe guidare con i fili / tornando a ritroso a quell’età.

No jè žornada

Nissun nol podarà cjatâ
un rimpin, un bardei
par vê in nassa
e no gjuldi avuâl
li’ munturis del Nadison.

Si scugna scocolâ i vôi
tanche s’e fos una furtata
sui dusinta mês.
E son mîl e mîl i scjasche si po vivi e tornâ a vivi
tel sbàlsim del flump.

No jè stagjon,
no jè žornada
che ti dinei
un sgrîsul di gjonda.

Non è giornata
Nessuno potrà trovare / un motivo, un qualcosa / per non amare / e non godere appieno / le vesti variopinte del Natisone. / Non si può fare a meno di spalancare gli occhi / quasi fosse una pulzella / sui diciott’anni. / Sono mille e mille gli impulsi / che si possono vivere e rivivere / nel balsamo del fiume. / Non è stagione, / non è giornata / che ti neghi / un brivido di gioia.