I alts e i bâs de vite

bar27.gif (2590 byte)

Badie di Rosacis, 26 di Novembar del 2000

         Viars les dîs di matine, mi cjatavi par câs sù pa Badie e notânt un grant moviment, o hai capît cal doveve jessi alc di straordinâri. Ancje se ducj i avenimentz che sucedin in Badie mi pasîn sot dai vôi, cuant ca jù mèt tal sito de Parochie, no mi visavi che in che dì al sarès vignût il Vescul... a vescolà...! Dalmentrî che biel planc o lavi sû pe ribute che puarte in ta plazute denant a le jentrade de glesie, lis personis che lavin su a pît, mi cjalavin di brut vôli, parceche mi permetevi di là in t'une direzion vietade a lis machignis... Ma lôr non savevin che iò in Badie o sòi di cjase e o puès permetimi ancje di là dulà calè proibît a lis personis "normâl"...!
        Parchegjade la machine tal miò cjantunùt riservât, o sòi entrât in glêsie ca jere già scuasi plene, e mi soi poiât cul comedòn in t'un banc cal jere ocupât solo da una zovine. O soi stât fêr in pins par qualche minût a curiosà e viodi ce chal cucedeve, ma cu le code dal vôli, mi soi nacuârt che la zovine che jere sintade dongje, planc planc si ere slontanade e spostade viars les colonis, lasànt libars doi o tre puests tra me e jê. Chest fàt, che une volte el podeve fami stà mâl par plui di une setemane, in cheste ocasion mi ha dât solo un pôc di fastidi. Chest alè segno che o soi navôre cambiât, soredut parceche in ta chest ultin periodo o ai incuintradis e cugnusudis tantis personis buinis, che mi dan la fuarce par superà li situaziôns negativis che spès mi cjati a vivi... 
     Infatti, come par miracul improvisamenti mi cjati davant un zovine co cognòs, e prin co vedi il timp di viargj la bocje par saludale, mi cjape e mi buse cun la plui grande disinvolture, davant a dute la int che nus cjalave cun curiositàt. Alè normâl che ancje un "vecjo carampàn" come me, al vedi plasê a jesi busât da une biele zovine di disasièt agns, ma le sodisfasion plui grande ajè stade che chel agnulùt dai vôi come dôs stelis, jà dade un lezion di buine creançe a chê smorfiôse che si ere vergognade a stà sintade dungje di... "un come me"...!
        Grasie Lusiùte, tu sês une creature straordinarie, propit come tô mâri e tô sûr...!!!

bar27.gif (2590 byte)